EZ i Rasieja — hałoŭnyja rynki
Pavodle Minstatu, 43,4% biełaruskaha ekspartu prypadaje na krainy Eŭraźviazu, 36% — na Rasieju. Ahulnaja ličba abjomu ekspartu za dzieviać sioletnich miesiacaŭ skłała $11,6 młrd (u Rasieju — 4,2 młrd, u Halandyju — 1,7 młrd, Brytaniju — 773 młn, Ukrainu — 700 młn, Polšču — 628 młn). Hałoŭnyja ekspartnyja haliny — naftapradukty, televizary, hruzaviki, kalijnyja ŭhnajeńni, les, metałaprakat.
Rejtynh bankaŭ
Bankaŭskaje ahienctva pry BDU skłała rejtynh biełaruskich bankaŭ pa pryciahnieńni ŭkładaŭ nasielnictva. Pavodle jaho, 57% ad ahulnaj kolkaści ŭkładaŭ ad fizyčnych asobaŭ znachodziacca ŭ «Biełarusbanku», 12% — u «Biełahraprambanku», 9,28% — u «Biełprambudbanku», 8,6% — «Biełynvestbanku», 4,8% — u «Biełzamiežekanambanku», 4,4% — u «Pryjorbanku». U rejtynh trapili 22 banki z 31, što dziejničajuć u Biełarusi.
Uviesnu — zajaŭka, uvosień — FAO
Biełaruś pryniata ŭ Suśvietnuju charčovuju j sielskahaspadarčuju arhanizacyju AAN (FAO). Siabrami arhanizacyi źjaŭlajucca 188 krainaŭ plus Eŭraźviaz. Zajaŭku na ŭstupleńnie ŭ FAO padała ŭviesnu, pryniali na pasiedžańni ŭ Rymie 18—21 listapada. Pieršy namieśnik ministra sielskaj haspadarki Nadzieja Katkaviec paabiacała refarmavać sielskuju haspadarku j lasny sektar, pavysić efektyŭnaść system abarony navakolnaha asiarodździa.
Dałoŭ čužarodny element!
Pry kancy hodu adbudziecca konkurs prajektaŭ na budaŭnictva biznes-centru z handlovymi pamiaškańniami pa byłym pr.Mašerava, 9 (tam ciapier znachodzicca internat BDU, jaki musić być pieraniesieny na praspekt Dziaržynskaha). Zhodna z rašeńniem Mienharvykankamu, novy budynak pa pr.Mašerava źjavicca nie paźniej za 2012 hod.
Birža pradaje cukar
6 śniežnia Biełaruskaja ŭniversalnaja tavarnaja birža praviadzie tarhi pa prodažy na ekspart ajčynnaha cukru. Vystaviać 20 tysiač ton. Heta źviazana z tym, što z prodažam cukru ŭ Rasieju ŭźnikli prablemy: na naš cukar pavialičana myta dy raspačata antydempinhavaje raśśledavańnie.
ZD
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6363
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie63
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary