Джонсан — Ціханоўскай: Мы захапляемся адвагай беларускіх ваяроў
Святлана Ціханоўская сёння пачала свой візіт у Лондан, дзе сустрэлася з былым прэм'ер-міністрам Вялікабрытаніі Борысам Джонсанам, паведамляе яе прэс-служба.
Як паведамляецца, бакі абмеркавалі сітуацыю ўнутры краіны і нядаўнюю мужную акцыю беларускіх партызан па пашкоджанні самалёта А-50 у Мачулішчах. Ціханоўская адзначыла, што гэта паказала неабароненасць і слабасць рэжыму.
Ціханоўская і Джонсан абмеркавалі дапамогу беларускім добраахвотнікам ва Украіне. Святлана Ціханоўская заклікала Борыса Джонсана трымаць Беларусь у міжнародным парадку дня і ўзяць патранаж над адным з палітвязняў.
«Мы сустрэліся, каб абмеркаваць вельмі важную задачу.
У кантэксце таго, што адбываецца ва Украіне, мы павінны памятаць і пра Беларусь.
У прыватнасці, трэба адзначыць адвагу і гераічнасць беларускіх ваяроў за свабоду, якія змагаюцца за яе ва Украіне і ўдзельнічаюць у вызваленні краіны ад войска Пуціна.
Мы сапраўды захапляемся адвагай беларускіх ваяроў.
Святлана, быў рады нашай сустрэчы», — заявіў па выніках сустрэчы Джонсан.
Каментары
нават задгадацца не магу, якую...
https://d2accbiqacj5y8.cloudfront.net/311760