Тэлеперсанаж Вадзім Баравік прапанаваў дадаваць нявінніцам балаў на ЦТ
Экс-давераная асоба Лукашэнкі Вадзім Баравік і прапагандыст Грыгорый Азаронак паразважалі ў эфіры СТБ пра «традыцыйныя каштоўнасці».
«Паслухайце, хопіць адступаць, — казаў Баравік у Азаронкавай праграме «Таемныя спружыны палітыкі 2.0». — Вось гэтыя традыцыйныя каштоўнасці, я цяпер буду казаць перабольшана, каб глядач запомніў. Гэта не значыць, што Міністэрства адукацыі мяне на гэта ўпаўнаважыла. Гэта меркаванне Баравіка. Але калі ў нас нявінніцы пачнуць заканчваць школу, і вось нявінніца скончыла школу, мы ёй да цэнтралізаванага тэставання дадаём некалькі балаў, і яна праходзіць. Таму што так, у нас менш будзе ЭКА. У нас будзе больш здаровая моладзь. Яны будуць разумець, што ёсць традыцыйныя каштоўнасці, каштоўнасць сям'і. Мы не будзем выхоўваць, якія прэзерватывы надзяваць у школе, а мы будзем яе вучыць, што трэба паважаць мужа, а муж павінен паважаць жонку, што дзіця ў прыярытэце ў сям'і. Разумееце? Вось гэтаму трэба вучыць.
Вось сёння ў нас любяць: эмансіпацыя, фемінізм. Мы ніколі не будзем ушчамляць жанчын. Але калі мы сёння дзяўчынку навучым паважаць мужчыну, а мужчыну навучым быць галавой сям'і, тады ў нас не будзе 40-гадовых ілбоў, якіх утрымліваюць маці-пенсіянеркі. Колькі ў нас такіх, якія п'юць, не працуюць, дармаедствуюць, а маці іх…»
«А пасля на мітынгі», — падсумаваў Азаронак.
Чытайце таксама: Палітолаг Баравік у эфіры АНТ назваў Еўрасаюз «сраным»
Давераная асоба Лукашэнкі Баравік: Справакуюць «іванушак-дурачкоў», сакральная ахвяра, — а потым увядуць міратворчыя войскі РЭПАРТАЖ
Цяпер чытаюць
«Мы не ведалі Сяргея Ціханоўскага да сённяшняй прэс-канферэнцыі»3
Каментары