Днямі выйшла сумесная работа італьянцаў пад назвай «Polvere e Gloria» («Пыл і слава»).
Сам першая ракетка свету, італьянскі тэнісіст Янік Сінер не спявае ў песні, толькі вымаўляе некалькі фраз. Спявае адзін з найлепшых тэнараў свету, невідучы Андрэа Бачэлі.
«Ты ўзляціш высока, калі будзеш старанна працаваць», «Станавіся лепшым кожны дзень — гэта самы важны момант. Я заўсёды стараюся ўдасканальвацца, каб зразумець, што магу зрабіць лепш», — кажа Сінер у песні.
«Я вельмі рады і ганаруся, што стаў часткай гэтага праекта з Андрэа, які на працягу 30 гадоў быў унікальным і выбітным голасам, сімвалам нашай краіны для ўсяго свету.
Я і ўявіць сабе не мог, што пачую свой голас у адной з яго песень. Гэта вельмі кранальна», — пракаментаваў Янік.
Цяпер чытаюць
Стаў вядомы сэнс крымінальнай «справы страхаўшчыкоў»11
Каментары