Я мяркую, што ў выпадку, калі Косава стане незалежным, Пуцін атрымае велізарныя магчымасьці падтрымкі сэпаратыстаў — найперш у Грузіі, але і ў іншых краінах постсавецкай прасторы».
Нямцоў: «Я ня ведаю, чаму ваш прэзыдэнт вырашыў прысьпешыць працэс атрыманьня Косавам незалежнасьці. Я ня думаю, што Косава ёсьць рэальнай праблемай Амэрыкі. Косава — гэта праблема Эўропы.
Днямі Пуцін падчас размовы з Саакашвілі ў Санкт‑Пецярбургу спытаўся ў грузінскага прэзыдэнта, ці падтрымлівае той пазыцыю Расеі па Косаве. І што адказаў Саакашвілі? Зразумела, так.
Калі ЗША будуць ціснуць, каб рэалізаваць плян Ахцісаары адносна Косава, я лічу, што гэта будзе вялікай памылкай Буша. Пуцін будзе выкарыстоўваць гэтую памылку для падтрымкі сэпаратыстаў у краінах вакол Расеі. У першую чаргу ў Грузіі. Ён неадкладна арганізуе рэфэрэндумы ў Абхазіі і ў Паўдзённай Асэтыі. І яны дадуць 90% падтрымкі незалежнасьці ад Грузіі на самым сумленным рэфэрэндуме. Пасьля гэтага Пуцін зробіць тое самае і атрымае такую самую велізарную падтрымку ў Прыднястроўі.
І што Злучаныя Штаты змогуць адказаць на гэта? Гэта ж сытуацыя абсалютна аналягічная косаўскай. Некаторыя кажуць, што Пуцін перасьцерагаецца косаўскага прэцэдэнту для Чачні. Але гэта ня так. Чачня перастала быць міжнароднай праблемай. У Чачні паставілі крымінальнага тыпа — Кадырава, які кантралюе сытуацыю. Рэфэрэндум паказаў, што чачэнцы хочуць быць з Расеяй назаўжды. Пуцін даў у Чачню вялікія грошы. Захад не цікавіцца Чачнёй, бо мае шмат іншых праблемаў.
Я мяркую, што ў выпадку, калі Косава стане незалежным, Пуцін атрымае велізарныя магчымасьці падтрымкі сэпаратыстаў — найперш у Грузіі, але і ў іншых краінах постсавецкай прасторы».
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда20
Каментары