Дзмітрый Мядзведзеў падарыць экс-прэзідэнту Фінляндыі кацяня — фота
Прэм’ер-міністр Расіі Дзмітрый Мядзведзеў падарыць кацяня пароды «Неўская маскарадная»экс-прэзідэнту Фінляндыі Тар’і Халанен.
Пра гэта ён паведаміў па вяртанні з Фінляндыі на сваёй старонцы ў Facebook. Прэм’ер Расіі таксама выклаў фатаграфію кацяня.
Паводле Мядзведзева, у Халанен «не так даўно памерла любімая котка, імя якой Міска».
«Дамовіліся, што я падару ёй кацяня пароды „Неўская маскарадная“, як мой папулярны ў сацсетках кот Дарафей», — напісаў на сваёй старонцы прэм’ер-міністр Расіі.
Гісторыя з уяўнай згубай Дарафея, нібыта які ўцёк з падмаскоўнай рэзідэнцыі Мядзведзева, нарабіла вясной шмат шуму ў сацсетках.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары