«Калі адзін бок вядзе актыўныя сілавыя дзеянні, любыя намаганні іншага боку па дээскалацыі напругі становяцца наўрад ці магчымымі».
Адмова ад сілавога сцэнару — ключ да ўрэгуляванні рознагалоссяў паміж Беларуссю і Еўрасаюзам. Пра гэта заявіў начальнік упраўлення інфармацыі —
Афіцыйны прадстаўнік знешнепалітычнага ведамства падкрэсліў: «узаемапрымальнае ўрэгуляванне існуючых рознагалоссяў — гэта адзіна разумны шлях. Гэта адпавядае інтарэсам не толькі Беларусі, але і Еўрасаюза.
Галоўнае пытанне: як гэта рэалізаваць? Цалкам відавочна, што пачаць рух па гэтым шляху можна толькі праз зніжэнне інтэнсіўнасці супрацьстаяння».
Пры гэтым Андрэй Савіных адзначыў:
«Перш за ўсё трэба спыніць практыку пастаяннага пашырэння санкцый з боку ЕС.І справа зусім не ў тым, ці маюць санкцыі эфект. Важна, што гэтая практыка выключае магчымасць асэнсаванага і рацыянальнага збліжэння пазіцый.
Калі адзін бок вядзе актыўныя сілавыя дзеянні, любыя намаганні іншага боку па дээскалацыі напругі становяцца наўрад ці магчымымі, як, зрэшты, і вяртанне паслоў.Трэба проста ўсведамляць гэта. Адмова ад навязвання сілавога сцэнару істотна мяняе сітуацыю. У гэтым выпадку ўзнікаюць перадумовы для вырашэння ўсяго комплексу пытанняў» .
«Калі казаць адкрыта, то гэта адзіны шлях. Беларусь — прыхільніца менавіта такога шляху.
Які будзе выбар ЕС, пакажуць яго дзеянні. Магу сказаць, што, выступаючы за ўрэгуляванне, мы гатовыя да любых сцэнароў», — заявіў начальнік упраўлення інфармацыі МЗС Беларусі,-- паведамляе БелТА.
***
Нагадаем, што ў пятніцу
23 сакавіка Рада міністраў Еўрасаюза будзе вырашаць, што рабіць у сітуацыі, калі беларускія палітвязні застаюцца ў турмах, а Мінск узяў курс на абслугоўванне Масквы. Мінск пагражае жорсткімі захадамі ў адказ: магчыма, выхадам з Усходняга Партнёрства і ліквідацыяй заходніх бізнэсаў у Беларусі.
Акрамя таго, унутры краіны створаны спіс закладнікаў са 108 дзеячоў грамадства і культуры. Пэўны час здавалася, што лукашэнкаўцы шукаюць вайны, а не міру. Аднак у апошні тыдзень стала вядома, што перамовы на дыпламатычным узроўні ўсё ж вядуцца. На іх завяршэнне застаецца ўсяго некалькі дзён.
Цяпер чытаюць
Куды цяпер едуць вучыцца беларускія студэнты — топ краін і тэндэнцый12
Каментары