Сотні мільёнаў рублёў былі выдаткаваныя на будаўніцтва падземнага пераходу цераз Маскоўскую шашу ў Жодзіне. Аднак пешаходы па?ранейшаму імкнуцца перайсьці дарогу ў неўсталяваных месцах, рызыкуючы сваім жыцьцём.
Сотні мільёнаў рублёў былі выдаткаваныя на будаўніцтва падземнага пераходу цераз Маскоўскую шашу ў Жодзіне. Аднак пешаходы па-ранейшаму імкнуцца перайсьці дарогу ў неўсталяваных месцах, рызыкуючы сваім жыцьцём. Менавіта таму ідэолягі з гарвыканкаму далі згоду на размаляваньне бэтонна-шэрага пераходу мясцовым графітчыкам з клюбу «Касталія». Ідэолягі меркавалі, што цяпер жыхары з большай ахвотай спусьцяцца ў прыгожы танэль, чымсьці пойдуць з рызыкай для жыцьця на небясьпечную дарогу.
Праўда, перад гэтым «вэртыкальшчыкі» правялі дэталёвую экспэртызу праекту графіці. І як што нічога ідэалягічна няправільнага не знайшлося, аддзел па справах моладзі Менскага аблвыканкаму нават вылучыў частку грошай на пакупку дарагое фарбы ў аэразольных бляшанках, а каб цалкам сплаціць выдаткі графітчыкаў, Жодзінскі гарвыканкам «параіў» кіраўнікам прыватных прадпрыемстваў «Мега» і «Руптур-ПРО» аказаць спонсарскую падтрымку юным мастакам. Што й было зроблена.
Але ж! Танэль размаляваны, а несьвядомыя жодзінцы як хадзілі па версе, так і ходзяць…
Паводле «Электроннага Барысава»
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне68
Каментары