Віктар Ганчарэнка: Матчы з «Барселонай» будуць самымі цікавымі ў маёй трэнерскай кар’еры
Галоўны трэнер БАТЭ пракаментаваў вынікі лёсавання Лігі чэмпіёнаў.
Аб гэтым паведаміў галоўны трэнер барысаўскага БАТЭ ўэкспрэс-каментарыі прэс-службе клуба пасля заканчэння лёсавання групавога этапу лігі чэмпіёнаў.
«Барселона» гуляе ў эталонны футбол, з’яўляецца паўнамоцным уладальнікам трафею, — адзначыў Ганчарэнка. — Многія трэнеры спрабуюць раскусіць «Барселону», але толькі лічаныя могуць штосьці ёй супрацьпаставіць. Хуткасць прыняцця рашэнняў, работа з мячом, выкананне — усё гэта прысутнічае ў дружыны з Каталоніі на проста касмічным узроўні. І для каманды, і для нас, трэнерскага штаба, гэта будзе бясцэнны вопыт.
Паспрабуем зрабіць тое, што не заўсёды ўдаецца нават «Рэалу», «Манчэстэру» і іншым элітным клубам».
«Мілан», паводле слоў Ганчарэнкі, таксама ў рэкамендацыі не мае патрэбы. «Будзь што будзе. За тыя пару хвілін, што чакалі саперніка з чацвёртага кошыка, ужо паспеў пракруціць у галаве стадыёны, на якіх будзем выступаць, моцныя і слабыя бакі ў нашых канкурэнтаў, якую расстаноўку яны выкарыстоўваюць. Падспудна пачынаеш думаць, як супрацьстаяць грандам еўрапейскага футбола, колькі ачкоў можна набраць у такой групе. На стадыёне „Дынама“ мы здольныя аказаць сур’ёзны ціск на любога апанента.
Удабавак для каманды важная цяпер іншая мэта — мы яшчэ не атрымлівалі перамог у групавой стадыі Лігі чэмпіёнаў»,— заявіў трэнер БАТЭ.
Ганчарэнка адзначыў, што хацеў бы сустрэцца з англійскім клубам «Манчэстэр Юнайтэд». «Неаднаразова гаварыў, што хацеў бы сустрэцца менавіта з „МЮ“, паколькі люблю гэтую каманду. Але нездавальнення ад лёсавання, натуральна, няма.
Вельмі прыемна апынуцца ў такой кампаніі, асабліва калі будзеш сустракацца з мацнейшымі клубамі Іспаніі і Італіі»,— сказаў ён. Чацвёртай камандай групы Н трэнер БАТЭ хацеў бы бачыць дортмундскую «Барусію»: «Там, як і ў Барселоне з Міланам, вялікі стадыён, заўсёды запоўнены пад завязку.
Гуляць пры аўдыторыі ў 70 тысяч чалавек — гэта велізарны вопыт».
«Група Лігі чэмпіёнаў мне была цікавая ў любым спалучэнні, — адзначыў у інтэрв’ю БелаПАН нападаючы БАТЭ Віталь Радзівонаў. — Абсалютна з усімі камандамі гуляў бы з задавальненнем. На такім узроўні слабых сапернікаў няма. У кожнага можна чамусьці павучыцца, тым больш што ў нас будуць сустрэчы з такімі грандамі, як „Барселона“ і „Мілан“. Ды і „Вікторыя“ апошнім часам задае моду ў чэшскім футболе».
Футбаліст не згадзіўся з меркаваннем, што група, у якую трапіў БАТЭ, — гэта «група смерці». «Трэба проста выходзіць і гуляць.
Наша каманда дасягнула такога ўзроўню, што можа гуляць з любым сапернікам»,— сказаў Радзівонаў.
-
«Вы ведаеце, што большасць беларусаў лічаць вас нікчэмнымі халуямі?»
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары