У часе выступу ён паставіў перад сабой бел-чырвоны-белы сцяг.
Кандыдат у прэзідэнты Рыгор Кастусёў пачаў свой тэлевыступ 24 лістапада з таго, што ён кандыдат ад Партыі БНФ. І паставіў перад сабойРасказаў пра колеры нашага сцяга і паабяцаў яго вярнуць. У доказ таго, што гэта «сцяг Хрыста», паказаў фоты Філарэта, на шатах якога ёсцьбел-чырвоны-белы сцяг.
Выступаў ён па-беларуску ад пачатку да канца.
Расказаў пра Партыю БНФ, назваў яе «партыяй, якая ніколі сабе не здраджвала»
Раскрытыкаваў парадкі ў Беларусі, паіранізаваў з маршыруючага БРСМу, з Лядовых палацаў.
Адчувалася, што вопыту публічных выступаў у яго няма. Гаварыў ён цвёрда, ясна, але не рабіў сэнсавых паўз між часткамі свайго выступу. Як і Саннікаў, пераважна чытаў тэкст з паперкі.
Абураўся ростам цэнаў. Абураўся недаступнасцю імпартных лекаў. Абураўся падманам людзей: «Скрадуць галасы, як крадуць заробкі».
Нечаканым ходам было тое, што ён цытаваў Лукашэнку — некалькі абсурдных выказванняў апошняга.
«Я заклікаю да знішчэння аўтарытарызму», — заявіў Кастусёў. Ён паабяцаў распусціць КДБі стварыць новыя спецслужбы. Паабяцаў таксама люстрацыю, але супакоіў, што гэта не зачэпіць прафесіяналаў.
«Чыноўнікі, не бойцеся Народнага Фронту. Хто не краў, той не сядзе», — сказаў ён.
Пра эканоміку гаварыў, як і Саннікаў, няшмат. У адрозненне ад Саннікава, ён падтрымаў ідэю
Асобным пунктам ён выступіў за ўвядзенне талера з моцным наміналам. «А то мы ўсе мільянеры, а за тысячу нічога не купіш».
Паабяцаў з грошай прэзідэнцкіх фондаў створыць Фонд будучых пакаленняў.
«Мы не граем у маскоўскі сцэнар, — запэўніў ён, — а то некаторыя кандыдаты гатовыя ўжо ўсё аддаць і прадаць». «Нам не трэба ні Хросны Бацька -1, ні Хросны Бацька -2, якога нам рыхтуе Крэмль»
Як і Саннікаў, Кастусёў не выбраў некалькі хвілін з адпушчаных яму трыццаці.
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары