«Уладар стыхій» Найта Ш'ямалана паводле анімэшнага сэрыялу.
Уладар стыхій (The Last Airbender)
ЗША, 2010, каляровы, 103 хв.
Рэжысёр: М.Найт Ш’ямалан
Ролі выконваюць: Ноа Рынгер, Дэў Патэль, Нікола Пельц, Джэксан Рэтбоўн, Шаўн Тоўб
Жанр: Фэнтэзі
Адзнака: 4 (з 10)
 |
Чатыры народы Вады, Агня, Паветра і Зямлі жылі ў згодзе, пакуль людзі Агня з дапамогай машынаў не пачалі войны. Землі і плямёны акупаваныя. Але нечакана з’яўляецца маленькі хлопчык — Аватар, здольны кіраваць усімі стыхіямі. Разам з новымі сябрамі герой вучыцца магіі і становіцца душой паўстання.
Карціна індуса Найта Ш’ямалана, пастаўленая паводле анімэ-сэрыялу — нуднавата-маляўнічая фантазія на аснове будыйскіх міфаў і магіі.Абраны дзіцёнак са звышнатуральным здольнасцямі, баявыя агонь і вада, магія паветра, чароўны цмок у якасці духоўнага настаўніка.
Прыёмы кун-фу, вялыя бойкі, чырвоныя, блакітныя, зялёныя дэкарацыі. Імперска-жалезныя касцюмы захопнікаў. Чорныя караблі. Магія ў чарговы раз змагаецца з тэхнікай. Аватары ізноў ідуць у наступ (першапачаткова карціна называлася «Аватар», але Кэмеран апярэдзіў).
Маленькі герой Ноа Рынгер атрымаў галоўную ролю, даслаўшы рэжысёру відэа з уласна выкананымі прыёмамі тэквандо. Гэты імпэтны прыклад, бадай, адзінае, што апраўдвае карціну.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары