З'явіўся сусветны інтэрактыўны сэрвіс аб замках, палацах і крэпасцях. Беларускія там таксама ёсць
У інтэрнэце з’явіўся новы інтэрактыўны сэрвіс Castle Map, які сабраў на адной карце больш за 7700 замкаў, крэпасцяў і палацаў са 141 краіны. У міжнародны атлас трапілі і беларускія помнікі — усяго 39 аб’ектаў, піша Domovita.by.
Сэрвіс стварыў распрацоўшчык, вядомы пад нікам Flightmussy. У базу трапляюць не ўсе запар гістарычныя пабудовы, а толькі тыя, для якіх ёсць дакладныя каардынаты, фатаграфіі і апісанні ў некалькіх моўных раздзелах Вікіпедыі. На момант публікацыі на карце было 7738 аб’ектаў.
Найбольш замкаў і іншых падобных помнікаў налічваецца ў Іспаніі — каля 600. У першую дзясятку таксама ўваходзяць Францыя, Германія і Вялікабрытанія. Адзінай азіяцкай краінай у гэтым топе стала Японія.
Аб’екты на карце падзеленыя на некалькі катэгорый: замкі і палацы, абарончыя крэпасці і форты, а таксама руіны.
Асобны рэйтынг паказвае папулярнасць гістарычных аб’ектаў. Яна вызначаецца на аснове цікавасці карыстальнікаў і колькасці згадак у інтэрнэце.
Найвышэйшае месца сярод беларускіх помнікаў заняла Брэсцкая крэпасць — 285‑е ў сусветным рэйтынгу. Паводле стваральнікаў карты, яна папулярнейшая за 92% усіх аб’ектаў, уключаных у атлас. За апошнія два месяцы інфармацыю пра крэпасць запытвалі амаль 10 тысяч разоў.
Пасля Брэсцкай крэпасці ў беларускім спісе ідуць Нясвіжскі замак і Стары замак у Гродне.
Усяго на карту Беларусі нанесеныя 24 замкі, 2 крэпасці, 5 палацаў і 8 руін. Для 33 помнікаў пазначаныя дакладныя даты іх заснавання — ад X стагоддзя да сярэдзіны XX стагоддзя. Найбольшая колькасць аб’ектаў у спісе датуецца XVI стагоддзем: да гэтага перыяду адносяцца 10 помнікаў.
Карта таксама паказвае геаграфічнае размеркаванне беларускіх замкаў і палацаў. Найбольшая іх канцэнтрацыя назіраецца вакол Мінска: у радыусе 100 кіламетраў ад сталіцы знаходзяцца 11 пабудоў. Значная група гістарычных аб’ектаў размешчаная і ў раёне Брэста.
Адлегласць паміж самым паўночным аб’ектам у Іказні і самым паўднёвым у Давыд-Гарадку складае амаль 400 кіламетраў.
«Пачынаю разумець людзей, якія жывуць у турыстычных гарадах і не любяць заезджых». Што турыстычны бум прыносіць Гродну
У Мінкульце расказалі, якія палацы і сядзібы будуць аднаўляць найбліжэйшым часам
Замкі ў Ліване і саваны ў Паўднёвым Судане ўключылі ў спіс сусветнай спадчыны пад пагрозай
Апублікавалі новы рэйтынг найбольш папулярных гісторыка-архітэктурных помнікаў Беларусі
Мір і Нясвіж перанасычаныя турыстамі. Ва ўсім вінаватыя блогеры і сацыяльныя сеткі
У Ляхавічах пахваліліся копіяй гістарычнага замка, якая мусіць прыцягнуць турыстаў — чатыры будкі больш нагадваюць прыбіральні
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
А тут ужо справа саміх беларусаў - парупіцца, каб унесці нашыя помнікі з фота ў Вікіпедыю. Ніхто акрамя саміх беларусаў гэта не зробіць.
Звесткі ў Вікіпедыю можа ўносіць любы чалавек.
Беларусы! Давайце рабіць нашу беларускую Вікіпедыю разам!
Кожны дадасць па абзацу і па некалькі фотак, ці створыць артыкул пра тое, пра што яшчэ няма артыкула і мы ўсе разам будзем малайцы!
НН, трымайце ідэю на артыкул пра міф Чорнай Русі. Некалі тэма была часткова закранутая ў адным з артыкулаў. Хаця варта было б напісаць пра міф не толькі гэтай каляровай Русі.