Новаствораная праўладная партыя «Адылет» атрымала пераважную большасць на пазачарговых парламенцкіх выбарах у Казахстане, сведчаць экзітполы. Вынік умацуе ўладу прэзідэнта Касым-Жамарта Такаева, піша Reuters.com
Касым-Жамарт Такаеў
Паводле даных трох розных экзітполаў, апублікаваных дзяржаўнымі СМІ Казахстана, партыя «Адылет» набрала ад 70% да 72% галасоў пры яўцы больш за 74%. Месцы ў парламенце таксама атрымалі чатыры невялікія апазіцыйныя партыі, хоць і іх лічаць лаяльнымі да Такаева.
Партыю «Адылет» стварылі сёлета найбліжэйшыя дарадцы прэзідэнта, і яна хутка паглынула былую кіроўную партыю «Аманат».
Перамога «Адылет», імаверна, умацуе кантроль Такаева над краінай за кошт фігур, больш цесна звязаных з яго папярэднікам Нурсултанам Назарбаевым.
Іншыя вынікі:
- Агульнанацыянальная сацыял-дэмакратычная партыя (АСДП) — 5,2%;
- Казахстанская партыя зялёных «Байтак» — 1%;
- Народная партыя Казахстана (НПК) — 3%;
- Народна-дэмакратычная патрыятычная партыя «Ауыл» — 6,4%;
- Дэмакратычная партыя Казахстана «Ак жол» — 5,1%;
- Respublica — 5,4%;
- супраць усіх — 2,1%.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары