Суд у Расіі прызнаў УПА, АУН і Бандэру «памагатымі нацысцкай Германіі»
Акрамя Бандэры, «памагатымі нацысцкай Германіі» прызнаныя яшчэ некалькі чалавек.
Цвярскі раённы суд Масквы прызнаў Украінскую паўстанцкую армію (УПА), звязаную з ёй Арганізацыю ўкраінскіх нацыяналістаў (АУН), а таксама дзесяць дзеячаў украінскага нацыяналістычнага руху, у тым ліку лідара АУН Сцяпана Бандэру і камандзіра УПА Рамана Шухевіча, «памагатымі нацысцкай Германіі ў злачынствах супраць чалавечнасці ў гады Вялікай Айчыннай вайны». Пра гэта паведаміла Генеральная пракуратура Расіі.
У ведамстве заявілі, што «гэтае рашэнне мае важнае значэнне для ўшанавання памяці ахвяр генацыду, развянчання супрацьпраўных дзеянняў рэжыму ў Кіеве, адмены рашэнняў аб рэабілітацыі ваенных злачынцаў і спынення актаў экстрэмізму супраць Расіі».
Акрамя Бандэры і Шухевіча, «памагатымі нацысцкай Германіі» прызнаныя Васіль Бандэра, Андрэй Мельнік, Мікалай Арсеніч, Тарас Баравец (Бульба), Дзмітрый Клячкіўскі, Мікалай Казак, Мірон Матвійка і Яраслаў Сцяцко.
УПА і АУН раней былі прызнаныя ў Расіі «экстрэмісцкімі» арганізацыямі, а ў 2024 годзе Міністэрства юстыцыі Расіі ўключыла іх у так званы спіс «нацысцкіх» арганізацый.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары