Кампанія заявіла аб планавай эвакуацыі супрацоўнікаў.
Украінскія беспілотнікі атакавалі склад Wildberries у Екацярынбургу. Пра гэта паведамляе рэгіянальнае выданне E1 са спасылкай на відавочцаў.
На апублікаваных фота бачны слуп дыму, які ўздымаецца ў неба. У прэс-службе кампаніі Е1 заявілі, што на лагістычным аб'екце «была праведзеная своечасовая планавая эвакуацыя ў адпаведнасці з патрабаваннямі бяспекі».
Губернатар Свярдлоўскай вобласці Дзяніс Паслер паведаміў раніцай аб адбіцці «адной са спроб атакі БПЛА на наш рэгіён».
Таксама чэмпіянат Расіі па лёгкай атлетыцы ў Екацярынбургу прыпынены з-за небяспекі беспілотнікаў, пішуць «Осторожно новості».
У федэрацыі лёгкай атлетыкі Расіі заявілі, што бяспека ўсіх удзельнікаў-спартсменаў, гледачоў, трэнераў і суддзяў — застаецца галоўным прыярытэтам, а аб працягу турніру абяцалі паведаміць дадаткова.
Чэмпіянат пачаўся 23 ліпеня і мае скончыцца заўтра.
Каментары
На аснове такой фатаграфіі нафантазіраваць на тры радкі пра пафігізм і г. д., гэта трэба ўмець.