WB Taxi завяршыў тэставанне і пераходзіць да камерцыйнай эксплуатацыі ў Мінску. Сэрвіс для заказу таксі, які раней падключаў карыстальнікаў па меры паступлення заявак, цяпер стаў даступны для ўсіх жыхароў і гасцей сталіцы, піша Tochka.by.
Абаненты беларускіх нумароў могуць сцягнуць праграму WB Taxi ў Google Play і App Store.
WB Taxi прапануе дыферэнцыраваную сістэму тарыфаў. Карыстальнікам сэрвісу таксама даступная кругласутачная падтрымка ў чаце, праз які можна задаць пытанне або пакінуць водгук.
«У Беларусі таксі — гэта частка паўсядзённага рытму: паездкі на працу, да доктара, у аэрапорт, па дзяцей у школу. Wildberries ужо даўно стаў для людзей не толькі звыклым і надзейным месцам для пакупак, але і любімым брэндам. Мы ўпэўненыя, што WB Taxi стане такім жа натуральным выбарам, як і сам маркетплэйс», — адзначыў дырэктар Wildberries у Беларусі Дзяніс Семянкоў.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары