У Вялікабрытаніі забілі вядомага палітыка, члена партыі Reform UK Эн Уідком
Цела Эн Уідком было знойдзена ў яе доме ў аддаленай мясцовасці графства Дэван на паўднёвым захадзе Англіі ў чацвер. Аднак паліцыя паведаміла пра гэта толькі ў пятніцу.
Адначасова было абвешчана, што па падазрэнні ў забойстве затрыманы 26‑гадовы белы брытанец, піша Бі-бі-сі.
Матывы злачынства пакуль невядомыя. Паліцыя заяўляе толькі, што не разглядае гэтае забойства як тэрарыстычны акт.
Эн Уідком было 78 гадоў. Яна была дэпутаткай Палаты абшчын ад Кансерватыўнай партыі з 1987 па 2010 год і ўваходзіла ў склад урада Джона Мэйджара ў першай палове 1990‑х гадоў.
Уідком была вядомай праціўніцай членства Вялікабрытаніі ў Еўрапейскім саюзе. У 2019 годзе яна была абраная ў Еўрапейскі парламент па спісе Партыі Brexit, а ў 2023 годзе далучылася да гэтай жа партыі, якая была перайменаваная ў Reform UK. Пасля гэтага яна неаднаразова выступала ад імя партыі з публічнымі заявамі па пытаннях іміграцыі і правасуддзя.
Каментары