Нічыя Нідэрландаў, перамога Кот д'Івуара і буйная перамога Швецыі
Вынікі футбольнай ночы.
Футбольная ноч на чэмпіянаце свету па футболе (ну як ноч, у Беларусі было 23:00) стартавала матчам Нідэрланды — Японія.
Нідэрланды вялі 2:1, у іх забілі Вірджыл ван Дэйк і Крысенсіа Самэрвіл, але японцы здолелі звесці гульню ўнічыю 2:2 (вызначыліся Кейчы Накамура і Даічы Камада).
Што паказальна, тры мячы з чатырох забітыя гульцамі англійскай прэм'ер-лігі. Ван Дэйк гуляў за «Ліверпуль», Самервіль гуляе за «Вэст Хэм». Камада выступае за «Крыстал Пэлас».
Затым Кот д'Івуар перамог Эквадор 1:0. Гол на рахунку Амада Дыяло з «Манчэстэр Юнайтэд».
Пад раніцу Швецыя разграміла Туніс — 5:1.
У шведаў чатыры галы забілі таксама гульцы АПЛ: дубль Ясіна Аяры («Брайтан»), забілі Аляксандр Ісак «Ліверпуль») і Віктар Д'ёкерэш («Арсенал»), таксама гол на рахунку Матыяса Сванберга з нямецкага «Вольфсбурга»). У Туніса вызначыўся Амар Рэкік са славенскага «Марыбора».
Сёння на чэмпіянаце свету яшчэ два паядынкі: Іспанія — Каба-Вердэ (19:00), Бельгія — Егіпет (22:00).
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну33
Каментары