СЗАТ «Белджы» прыпыніла пастаўкі ў Расію кросаўераў Belgee X50. Як піша ТАСС са спасылкай на прэс-службу беларускага вытворцы, кампанія, магчыма, наогул спыніць яго вытворчасць і засяродзіцца на выпуску абноўленай версіі.
На гэты момант продажы мадэлі Belgee X50 у Расіі сапраўды прыпынены. «Нядаўна мы запусцілі навінку Belgee X50+ і зараз робім акцэнт на гэтым красоверы», — пракаментавалі на прадпрыемстве.
У красавіку ў беларускіх аўтацэнтрах пачаліся продажы абноўленага красовера Belgee X50+. Яго галоўныя адрозненні ад базавай мадэлі — 1,5‑літровы чатырохцыліндравы рухавік магутнасцю 174 к. с. і сяміступенчатая АКПП, піша Office Life.
У кампаніі адзначаюць, што дзякуючы выкарыстанню высокаўстойлівай сталі (да 66% у канструкцыі кузава) таксама была ўзмоцнена пасіўная бяспека. Кошт навінкі (прынамсі ў Беларусі) застаўся на ўзроўні X50.
У Расіі Belgee X50 быў адной з самых папулярных мадэляў. Напрыклад, на пачатку года беларускі красовер стаў самым прадаваным аўтамабілем у Маскве. За студзень і люты яго продажы ў сталіцы Расіі выраслі на 23% у параўнанні з мінулым годам і склалі 1226 аўтамабіляў.
Цяпер чытаюць
Лукашэнка: Што творыцца ў краіне, у нас усе гэтую гусь круцяць30
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары
Адна рэч ездзіць цераз дарогу па хлеб, іншая рэч перці да акіяну або пры хаце цёгаць гной ды ўраджай.
Сёння самаход не перадаецца ў спадчыну, як калісьці савецкі жыгуль або ЗАЗ. Жыццё мяняецца хутка.