Гадавая інфляцыя (за апошнія 12 месяцаў) у Беларусі ў маі 2026 года склала 4,8%. У красавіку і сакавіку яна была 5,4%, паведамляе Белстат.
Пры гэтым за май цэны павысіліся на 0,1%, а з пачатку года — на 2,6%.
У маі гэтага года ў параўнанні з аналагічным перыядам мінулага года цэны на харчовыя тавары павялічыліся на 4,9%. Да красавіка 2026 года яны зменшыліся на 0,2%, а да снежня 2025 года выраслі на 1,5%.
Нехарчовыя тавары ў маі падражэлі ў параўнанні з маем 2025 года на 2%, з красавіком — на 0,1%, а са снежнем 2025 года — на 1,4%.
Больш за ўсё ў маі гэтага года выраслі цэны на паслугі. У параўнанні з аналагічным перыядам мінулага года яны падаражэлі на 8,5%, з красавіком — на 0,4%, а са снежнем 2025 года — на 5,9%.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС3
Каментары