Раней Пуцін падпісаў аналагічны ўказ, які спрашчаў атрыманне расійскага грамадзянства для жыхароў Абхазіі і Паўднёвай Асеціі.
Пуцін падпісаў указ аб раздачы пашпартоў жыхарам Прыднястроўя. У дакуменце, апублікаваным на афіцыйным партале прававой інфармацыі, пазначана, што ён прыняты «ў мэтах абароны правоў і свабод чалавека і грамадзяніна» з апорай на «агульнапрызнаныя прынцыпы і нормы міжнароднага права», піша Moscow Times.
Згодна з указам, права на спрошчанае атрыманне расійскага пашпарта (без выканання шэрагу стандартных патрабаванняў) атрымліваюць замежныя грамадзяне і асобы без грамадзянства, старэйшыя за 18 гадоў, якія пастаянна пражываюць у Прыднястроўі на дзень уступлення дакумента ў сілу. Таксама прапісаны парадак прыёму ў грамадзянства непаўналетніх і недзеяздольных жыхароў рэгіёна. Заявы на атрыманне пашпарта РФ трэба будзе падаваць у расійскія дыппрадстаўніцтвы або консульскія ўстановы па зацверджаных формах.
Раней, вясной 2025 года, Пуцін падпісаў аналагічны ўказ, які спрашчаў атрыманне расійскага грамадзянства для жыхароў Абхазіі і Паўднёвай Асеціі. У ліпені мінулага года Пуцін таксама зацвердзіў афармленне пашпартоў РФ у гэтых рэгіёнах да жніўня 2028 года.
На гэтым фоне 13 мая Дзярждума аднагалосна прыняла ў другім і трэцім чытаннях закон, які дазваляе Пуціну прыцягваць армію для «абароны грамадзян РФ» у выпадку іх арышту, утрымання, крымінальнага або іншага пераследу за мяжой — у прыватнасці, судамі, якія Расія не прызнае. У тлумачальнай запісцы падкрэсліваецца, што дакумент накіраваны на «ўзмацненне абароны расійскіх грамадзян ад неправамерных дзеянняў недружалюбных замежных дзяржаў».
Прыднястроўе (Прыднястроўская Малдоўская Рэспубліка) — гэта непрызнанае тэрытарыяльнае ўтварэнне, размешчанае ў вузкай паласе паміж ракой Днестр і мяжой з Украінай. Фармальна яна з’яўляецца часткай Малдовы, але пасля ўзброенага канфлікту з Кішынёвам у пачатку 1990‑х фактычна існуе як асобнае ўтварэнне. Насельніцтва — каля 350 тысяч чалавек, пераважна рускамоўныя. Прыднястроўе не прызнана ніводнай дзяржавай — членам ААН, а на яго тэрыторыі з 1992 года знаходзяцца расійскія войскі. Рэгіён моцна залежыць ад Расіі ў эканамічным і палітычным плане і застаецца адным з «замарожаных» канфліктаў на постсавецкай прасторы.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары