Унучка наркама замежных спраў СССР скончыла жыццё самагубствам праз напад Расіі на Украіну
«Я павінна пайсці, мне жыць невыносна. З таго часу, як Пуцін напаў на Украіну і забівае нявінных людзей, а ў нас бясконца саджае ў турмы тысячы людзей, якія пакутуюць і гінуць там за тое, што яны як і я супраць вайны і супраць забойстваў».
У Маскве скончыла жыццё самагубствам унучка наркама замежных спраў СССР Максіма Літвінава — расійская праваабаронца Ніна Літвінава.
Дзяржаўныя расійскія медыя паведамілі, што яна пакінула перадсмяротную запіску.
Тэкст гэтай запіскі апублікавала ў фэйсбуку стрыечная сястра Ніны Літвінавай журналістка Маша Слонім.
«Я ўсіх вас люблю і думаю пра вас. Але я павінна пайсці, мне жыць невыносна. З таго часу, як Пуцін напаў на Украіну і забівае нявінных людзей, а ў нас бясконца саджае ў турмы тысячы людзей, якія пакутуюць і гінуць там за тое, што яны як і я супраць вайны і супраць забойстваў. Я нічым не магу ім дапамагчы. Жэня Бярковіч, Святлана Петрыйчук, Карына Цуркан і тысячы іншых за кратамі пакутуюць і паміраюць. Я спрабавала ім дапамагчы, але мае сілы скончыліся і я дзень і ноч пакутую ад бяссілля. Мне сорамна, але я здалася. Калі ласка, прабачце мне», — напісала Ніна Літвінава ў запісцы.
Ніна Літвінава нарадзілася ў 1945 годзе. З 1960‑х гадоў яна была праваабаронцай. Яе дзядуля Максім Літвінаў быў наркамам замежных спраў СССР у 1930‑1939 гадах, пазней быў паслом на Кубе і ЗША.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары