У Даніі знайшлі мёртвага кіта. Гэта можа быць выратаваны два тыдні таму каля берагоў Германіі Цімі
Жывёліну знайшлі прыкладна за 200 кіламетраў ад месца, дзе яго 2 мая выпусцілі ў бок Паўночнага мора.
Каля дацкага вострава Анхольт быў знойдзены мёртвы кіт, які, па даных дацкага экалагічнага ведамства, «з высокай верагоднасцю» можа быць Цімі — гарбаты кіт, за лёсам якога некалькі тыдняў назіралі ў Балтыйскім моры, піша Bild.
Жывёлу знайшлі прыкладна за 200 кіламетраў ад месца, дзе яго 2 мая выпусцілі ў бок Паўночнага мора.
Як піша выданне Ekstra Bladet, кіт каля Анхольта, верагодна, мёртвы ўжо некаторы час. У ініцыятыўнай групе, якая займалася Цімі, пакуль не ведаюць, ці сапраўды гэта ён.
Сёння падчас адліву ўлады плануюць узяць у жывёліны ўзор тканкі, каб усталяваць яе прыналежнасць.
Супрацоўнік дацкага ведамства Мортэн Абільдстрам сказаў, што гаворка можа ісці пра гарбатага кіта даўжынёй 10—15 метраў, які выкінуўся на бераг. На першых фотаздымках відаць, што скура жывёліны моцна пашкоджаная.
Улады заклікалі людзей не набліжацца да тушы: кіт можа быць пераносчыкам інфекцыі, акрамя таго, праз назапашванне газаў цела мёртвага марскога млекакормячага можа ўзарвацца.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці3
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары