Кароль Вялікабрытаніі Карл III выступіў перад Кангрэсам ЗША і заклікаў амерыканскіх заканадаўцаў не адварочвацца ад саюзнікаў і ўзмацніць падтрымку Украіны.
Карл ІІІ стаў толькі другім брытанскім манархам, які выступіў у Кангрэсе ЗША — першы раз гэта зрабіла ягоная маці, каралева Лізавета II, у 1991 годзе.
Падчас выступлення ён адзначыў, што сучасныя глабальныя крызісы — у Еўропе і на Блізкім Усходзе — патрабуюць сумесных дзеянняў Захаду. Паводле слоў караля, ніводная краіна не здольная справіцца з такімі выклікамі ў адзіночку.
Карл III падкрэсліў, што партнёрства Вялікабрытаніі і ЗША гістарычна адыгрывала ключавую ролю ў гарантаванні бяспекі ў свеце, і цяпер гэтая еднасць асабліва важная для падтрымкі Украіны і дасягнення справядлівага і трывалага міру.
Прэзідэнт Украіны Уладзімір Зяленскі падзякаваў брытанскаму манарху за заклікі да міжнароднай салідарнасці і падтрымкі Украіны.
Падчас візіту ў Вашынгтон Карл III таксама ўдзельнічаў у афіцыйных сустрэчах з амерыканскім кіраўніцтвам, у тым ліку з прэзідэнтам Дональдам Трампам.
У той жа час паведамляецца, што частка амерыканскай фінансавай дапамогі Украіне, ухваленай раней, пакуль не была рэалізаваная з-за ўнутраных дыскусій у Пентагоне. Кангрэс пры гэтым падкрэслівае, што гэтая дапамога разглядаецца як уклад у бяспеку ЗША, а не як дабрачыннасць.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць21
Каментары