Ушчэнт п’яны жыхар Шуміліна выхапіў у міліцыянера пісталет і спрабаваў стрэліць яму ў галаву
Зброя дала збой.
Позна ўвечары 16 красавіка ў Шуміліна за хуліганства затрымалі ўшчэнт п'янага мясцовага жыхара — 2 праміле. Ён папрасіў выклікаць хуткую дапамогу і ў суправаджэнні супрацоўніка міліцыі паехаў у бальніцу.
Там ён пасварыўся з медработнікамі. А ў нейкі момант пачалася тузаніна з міліцыянерам. На відэа відаць, як спакойна назіраюць за гэтым медыкі.
П'яны мужчына забраў у міліяцыянера пісталет, накіраваў зброю яму на галаву і націснуў на спускавы кручок.
Стрэл па нейкіх прычынах не адбыўся.
Міліцыянер выбіў зброю з рук нападніка, той кінуўся на ўцёкі. Урэшце яго затрымалі.
Заведзена крымінальная справа за замах на забойства супрацоўніка міліцыі.
Каментары