Іранская армія абстраляла амерыканскі самалёт далёкага радыёлакацыйнага выяўлення і кіравання AWACS (Airborne Warning and Control System). Гэта здарылася 27 сакавіка падчас іранскага ўдару па авіябазе імя прынца Султана ў Саудаўскай Аравіі. 12 амерыканскіх вайскоўцаў атрымалі раненні, двое з іх у цяжкім стане. Самалёт, як можна меркаваць па фота ў СМІ, знішчаны.
Гэта была камбінаваная атака з выкарыстаннем ракет і ўдарных беспілотнікаў. Акрамя AWACS, пашкоджанні атрымалі мінімум два самалёты-запраўшчыкі Boeing KC-135. Улады ЗША пакуль не каментавалі здарэнне.
Самалёт Boeing E-3 Sentry AWACS — легендарная лятаючая радыёлакацыйная станцыя (РЛС) і армейскі камандны пункт, піша «Новая газета. Еўропа». E-3 Sentry быў распрацаваны ў Злучаных Штатах, але перадаваўся ўзброеным сілам Францыі, Вялікабрытаніі і Саудаўскай Аравіі. Пабудаваны сумесна з кампаніяй Boeing на аснове грамадзянскага самалёта Boeing 707 і абсталяваны радарнай сістэмай кампаніі Northrop Grumman, E-3 упершыню падняўся ў паветра ў 1975 годзе.
Радар AWACS — гэта, па сутнасці, вочы і вушы ўзброеных сіл; ён забяспечвае 360‑градуснае пакрыццё і можа выяўляць самалёты на адлегласці да 400 км, а таксама цэлі на малой вышыні, якія праз асаблівасці ландшафту і скрыўлення зямлі не бачаць наземныя РЛС. У адрозненне ад стацыянарных радараў, AWACS мае магчымасць хутка перамясціцца ў любую кропку свету, і яго складаней знішчыць, чым стацыянарныя аб'екты. Аператары на борце каардынуюць дзеянні знішчальнікаў, наводзяць іх на цэлі, кіруюць дазапраўкай у паветры і забяспечваюць бяспеку паветранай прасторы. Самалёт эксплуатуецца ўжо каля паўстагоддзя, і Пентагон сёння распрацоўвае замену састарэламу E-3 Sentry.
AWACS адыгрывае найважнейшую ролю ў ваенных аперацыях, забяспечваючы назіранне, камандаванне і кантроль, а таксама кіраванне трафікам у паветранай прасторы.
Кошт аднаго цалкам укамплектаванага борта апошняга пакалення ацэньваецца ў 400—500 мільёнаў даляраў і вышэй. Калі інфармацыя будзе пацверджана афіцыйна, гэта стане першай баявой стратай самалёта тыпу E-3 у гісторыі.
Лічыцца, што ўсяго ў ЗША на дадзены момант ёсць у лётным стане 16 такіх бартоў, і 7 або 8 з іх удзельнічаюць у ваенных дзеяннях у Іране.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары