Жаніха завуць Максім.
У янота-самкі, якая прыехала з ЗША ў Беларусь у марскім кантэйнеры, з'явіўся патэнцыйны жаніх. Пра гэта на СТБ распавяла ветэрынар парку для жывёл у Баранавічах Кацярына Чарняк.
«Да сябе блізка не падпускае, але мы над гэтым паціху працуем. З любімых прадуктаў у яго мяса, прывыкае да садавіны, кашаў», — кажа Кацярына Чарняк.
Тое, што Сеня аказаўся самкай, ніяк не паўплывала на яго ўмовы ўтрымання. Зменіцца толькі запіс у новым пашпарце. Зараз выбіраюць імя. «Далейшыя планы — гэта злучэнне яе з самцом па мянушцы Максім. Будзем планаваць атрыманне ад іх патомства», — расказала ветэрынар.
Янот прыехаў у Беларусь з ЗША ў марскім кантэйнеры. У дарозе ён быў каля месяца, але яноты могуць упадаць у спячку, каб захаваць энергію, таму жывёла выжыла без ежы. Спачатку Сеня быў на каранціне ў Ашмянскай раённай ветэрынарнай станцыі, пасля пераехаў у парк жывёл у Баранавічах.
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА4
Каментары