Іронія ў тым, што прычынай блакавання месенджара называлі доступ да перапісак замежных спецслужб.
Улады не будуць запавольваць Telegram «у зоне правядзення СВО», паведаміў кіраўнік Мінлічбы Максут Шадаеў. Выклікана гэта, імаверна, тым, што Telegram стаў асноўным месенджарам для расійскіх вайскоўцаў на вайне супраць Украіны.
«Але мы спадзяёмся, што за нейкі час нашы вайскоўцы змогуць прыстасавацца і перайсці на расійскія сэрвісы», — дадаў Шадаеў.
Іронія сітуацыі ў тым, што прычынай абмежавання месенджара ў РФ сам Шадаеў называў доступ да перапісак замежных спецслужб.
«У нас ёсць прамыя пацвярджэнні з боку праваахоўных органаў, што, на жаль, калі ў пачатку СВА Telegram разглядаўся як дастаткова ананімны сэрвіс, ім карысталіся нашы вайскоўцы, то зараз шмат фактаў, якія пацверджаны нашымі органамі, пра тое, што доступ да перапісак у Telegram маюць замежныя спецслужбы. Калі раней гэта ўсё ж такі насіла эпізадычны характар, то зараз гэта носіць ужо сістэматычны характар», — сказаў Шадаеў.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары