Сёння на Алімпіядзе будуць разыграныя першыя медалі. Беларускі возьмуць удзел у двух спаборніцтвах
Першыя ўзнагароды будуць разыграныя ў горных лыжах.
А 13:30 па мінскім часе пройдзе хуткасны спуск у мужчын.
А 15‑й гадзіне пачнуцца спаборніцтвы ў лыжным скіятлоне ў жанчын, у якіх паўдзельнічае беларуска Ганна Каралёва.
Скіятлон — гэта два віды спаборніцтваў: 10 км бегу на лыжах класічным стылем і 10 км каньковым ходам.
А 18‑й адбудзецца заезд на 3000 м на каньках у жанчын. Там Беларусь прадстаўляе Марына Зуева.
Таксама сёння будуць разыграныя медалі ў скачках на лыжах з трампліна ў жанчын (22:00) і снаўбордзе (дысцыпліна біг-эйр у мужчын, 21:30). Беларусаў там няма.
У нядзелю будуць разыграныя восем камплектаў узнагарод, у тым ліку ў змяшанай эстафеце ў біятлоне. Усё без беларусаў.
Наступны ўдзел беларусак толькі ў аўторак. Ганна Каралёва паўдзельнічае ў лыжным спрынце класічным стылем.
Усяго на Алімпіядзе-2026 будуць разыграныя 116 камплектаў узнагарод у васьмі відах спорту.
Беларусаў удзельнічае ўсяго сем чалавек: Ганна Каралёва (лыжы), Марына Зуева (канькі), Марыя Шканава (горныя лыжы), Вікторыя Сафонава (фігурнае катанне), Ганна Гуськова, Ганна Дзяруга, Анастасія Андрыянава (фрыстайл).
У Італіі адкрылі зімовыя Алімпійскія гульні ФОТЫ
Форма зборнай Гаіці выклікала сапраўдны фурор на Зімовых Алімпійскіх гульнях. Але яе ледзь не забаранілі
Дзе беларусам глядзець Алімпіяду, бо не ўсё так добра
Джэй Дзі Вэнс прыляцеў на Алімпіяду ў Мілан з флотам з 14 самалётаў і картэжам з 100 аўтамабіляў
У пятніцу пачынаюцца Зімовыя Алімпійскія гульні
Каментары