Стала вядома, што дзяржаўнае прадпрыемства «Белсаюздрук» чакае рэарганізацыя: яго далучаюць да «Белпошты». Раней прадпрыемства падпарадкоўвалася Міністэрству інфармацыі, але пастановай Савета Міністраў ад 8 верасня 2025 года яно было перададзена ў падначаленне Міністэрству сувязі і інфарматызацыі.
Той жа дакумент зацвердзіў абноўлены спіс арганізацый, якія ўваходзяць у структуру Мінсувязі. Усяго іх восем, і з 2025 года «Белсаюздрук» афіцыйна стаў адной з гэтых арганізацый разам з «Белпоштай», «Белтэлекамам», Дзяржаўнай фельд’егерскай службай і іншымі ўстановамі.
Але, як вынікае з дакумента, які апынуўся ў распараджэнні выдання SlutskGorod, змена ведамаснай прыналежнасці — не адзінае новаўвядзенне. 8 студзеня 2026 года Міністэрства сувязі прыняло рашэнне рэарганізаваць «Белсаюздрук» шляхам далучэння да «Белпошты».
Пасля завяршэння працэдуры «Белпошта» стане правапераемнікам усіх правоў і абавязкаў, якія раней належалі «Белсаюздруку». Такім чынам, функцыі абедзвюх дзяржаўных структур будуць аб’яднаныя ў межах аднаго прадпрыемства.
Паводле наяўнай інфармацыі, закончыць рэарганізацыю плануюць вясной гэтага года.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць18
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары