У Іране афіцыйна прызналі, што падчас задушэння пратэстаў загінулі тысячы людзей
Вярхоўны лідар Ірана аятала Алі Хаменеі ўпершыню публічна прызнаў, што падчас масавых пратэстаў у краіне загінулі тысячы людзей. Пры гэтым ён усклаў адказнасць за падзеі на ЗША і Ізраіль, абвінаваціўшы іх у падбухторванні народных выступленняў, асобна згадаўшы прэзідэнта ЗША Дональда Трампа, піша Reuters.
Па словах Хаменеі, замежныя сілы нібыта нанеслі Ірану вялікую шкоду і сталі прычынай гібелі некалькіх тысяч чалавек.
У адказ Дональд Трамп у інтэрв’ю Politico заявіў, што лічыць цяперашні момант прыдатным для пошуку новага кіраўніцтва для Ірана. Ён абвінаваціў Хаменеі ў тым, што той трымае ўладу выключна праз рэпрэсіі і гвалт, а таксама назваў яго вінаватым у разбурэнні краіны.
Трамп падкрэсліў, што сапраўднае лідарства павінна грунтавацца на павазе, а не на страху і смерці, і ахарактарызаваў Іран як адну з найгоршых краін для жыцця з-за дрэннага кіравання.
У пачатку студзеня пратэсты ў Іране, якія пачаліся 28 снежня 2025 года, дасягнулі найбольшага маштабу: масавыя выступленні ахапілі амаль усе правінцыі, мільёны людзей выйшлі на вуліцы з патрабаваннямі звяржэння рэжыму. Найбольш жорсткія сутыкненні адбыліся з 8 па 12 студзеня, калі сілы бяспекі, паводле розных ацэнак, забілі ад некалькіх тысяч да дзясяткаў тысяч чалавек.
Пасля хвалі рэпрэсій актыўнасць пратэстаў значна знізілася: у гарадах з’явіліся ўзброеныя патрулі, а інфармацыя з краіны амаль перастала паступаць. На фоне гэтых падзей ЗША разглядалі магчымасць ваеннага ўдару па Іране, аднак пазней Трамп адмовіўся ад такога кроку, заявіўшы, што атрымаў запэўненні аб спыненні масавых забойстваў.
Як Іран адключыў інтэрнэт? І як тады іранцы змаглі перадаць інфармацыю?
Сын іранскага шаха Рэза Пехлеві заклікае да далейшых пратэстаў
«Ніводнага званка ўнутр». Як выглядае інтэрнэт у Іране і як краіна ўжо тыдзень жыве без яго падчас пратэстаў
Пратэсты ў Іране, верагодна, ужо канчаткова задушылі
Чым цяперашнія пратэсты ў Іране адрозніваюцца ад папярэдніх
Каментары
Калі б сам пасядзеў ва ўладзе столькі, колькі дыктатары сядзяць, то было б тое самае, што і ў іх.
Добра, што хоць не абвінаваціў свой народ, бо ён "не той".