Служба бяспекі Украіны затрымала ў Кіеве агента, які адначасова працаваў на расійскія і беларускія спецслужбы. Па заданні Памежнага камітэта Беларусі мужчына шпіёніў за пазіцыямі ўкраінскіх вайскоўцаў, а для расійскіх куратараў карэктаваў удары па энергетычных аб'ектах сталічнага рэгіёна, паведамляе СБУ.
Затрыманы — мясцовы рознарабочы, якога завербавалі праз тэлеграм-каналы за яго пракрамлёўскія каментары.
Мужчына вёў назіранне за адной з кіеўскіх ТЭЦ проста з акна ўласнай кватэры, а таксама выязджаў да аб'ектаў, каб ацаніць іх тэхнічны стан пасля мінулых абстрэлаў. Гэтую інфармацыю расіяне планавалі выкарыстаць для новых атак, каб пакінуць жылыя дамы і сацыяльную інфраструктуру Кіева без ацяплення, паведамляе СБУ.
Паводле паведамлення, мужчына спадзяваўся, што пасля выканання заданняў яго эвакуіруюць за межы краіны. Аднак супрацоўнікі СБУ затрымалі яго.
Зараз мужчына знаходзіцца пад вартай, яму паведамлена пра падазрэнне ў дзяржаўнай здрадзе. За дапамогу ворагу ва ўмовах ваеннага стану затрыманаму пагражае пажыццёвае зняволенне з канфіскацыяй маёмасці.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары