Дом рамесніка ў Паставах прадалі на аўкцыёне значна даражэй за першапачатковую цану
17 снежня на электроннай пляцоўцы Беларускай універсальнай біржы адбыліся таргі, падчас якіх колішні Дом рамесніка набыў новага ўладальніка, заўважыла «Радыё Свабода».
У аўкцыёне ўдзельнічалі тры патэнцыйныя купцы, і ў выніку будынак прадалі за 51 830 рублёў, што больш як удвая перавышае стартавую цану — крыху больш за 21 тысячу рублёў.
Імя таго, хто набыў аб'ект, не называецца.
Гістарычны будынак, узведзены ў другой палове XVIII стагоддзя, выкананы ў стылі барока. Ён мае двухсхільны дах, а галоўны фасад упрыгожвае фігурны шчыт з мансардным акном. Праект распрацаваў італьянскі архітэктар Джузэпе Сака, які ў свой час працаваў пры двары караля Станіслава Аўгуста Панятоўскага і ўдзельнічаў у фармаванні цэнтральнай плошчы Пастаў.
Паводле ўмоў продажу, новы ўладальнік абавязаны на працягу месяца падпісаць ахоўнае абавязацельства. Раней будынак знаходзіўся ва ўласнасці прадпрыемства «Белсаюздрук». Сам дом пераходзіць у прыватную ўласнасць, а зямля пад ім — каля трох сотак — будзе перададзеная ў арэнду тэрмінам на 50 гадоў.
Будынак можна будзе прыстасаваць пад жыллё або выкарыстаць для розных сацыяльных, камерцыйных ці турыстычных мэтаў — напрыклад, адкрыць краму, гатэль, медыцынскі або спартыўны цэнтр.
Удзел у таргах маглі браць як простыя грамадзяне Беларусі і іншых краін, так і юрыдычныя асобы любой формы ўласнасці.
Гэта была другая спроба прадаць Дом рамесніка: папярэдні аўкцыён у лістападзе не адбыўся праз адсутнасць патэнцыйных купцоў, хоць тады стартавая цана была ўдвая вышэйшая.
Будынак размешчаны ў гістарычным цэнтры Пастаў, на месцы былога рынку. Хоць значная частка старога архітэктурнага ансамбля была знішчаная ў сярэдзіне ХХ стагоддзя, некалькі будынкаў захаваліся і ўнесеныя ў Дзяржаўны спіс гістарычна-культурных каштоўнасцяў Беларусі.
Гэты незвычайны аднапавярховік у райцэнтры пабудаваў знакаміты італьянскі архітэктар. Будынак можна купіць
З калонамі, ляпнінай і сцэнай. У Мінску прадаюць былы Палац культуры
У Мастоўскім раёне шматдзетная маці набыла пад жыллё закінуты дзіцячы лагер
Дзіцячы лагер пад Мінскам купілі за мільён даляраў, але ўжо праз пару месяцаў вярнулі назад
Каментары