Dom ramieśnika ŭ Pastavach pradali na aŭkcyjonie značna daražej za pieršapačatkovuju canu
17 śniežnia na elektronnaj placoŭcy Biełaruskaj univiersalnaj biržy adbylisia tarhi, padčas jakich kolišni Dom ramieśnika nabyŭ novaha ŭładalnika, zaŭvažyła «Radyjo Svaboda».
U aŭkcyjonie ŭdzielničali try patencyjnyja kupcy, i ŭ vyniku budynak pradali za 51 830 rubloŭ, što bolš jak udvaja pieravyšaje startavuju canu — krychu bolš za 21 tysiaču rubloŭ.
Imia taho, chto nabyŭ abjekt, nie nazyvajecca.
Histaryčny budynak, uźviedzieny ŭ druhoj pałovie XVIII stahodździa, vykanany ŭ styli baroka. Jon maje dvuchschilny dach, a hałoŭny fasad upryhožvaje fihurny ščyt z mansardnym aknom. Prajekt raspracavaŭ italjanski architektar Džuzepie Saka, jaki ŭ svoj čas pracavaŭ pry dvary karala Stanisłava Aŭhusta Paniatoŭskaha i ŭdzielničaŭ u farmavańni centralnaj płoščy Pastaŭ.
Pavodle ŭmoŭ prodažu, novy ŭładalnik abaviazany na praciahu miesiaca padpisać achoŭnaje abaviazacielstva. Raniej budynak znachodziŭsia va ŭłasnaści pradpryjemstva «Biełsajuzdruk». Sam dom pierachodzić u pryvatnuju ŭłasnaść, a ziamla pad im — kala troch sotak — budzie pieradadzienaja ŭ arendu terminam na 50 hadoŭ.
Budynak možna budzie prystasavać pad žyllo abo vykarystać dla roznych sacyjalnych, kamiercyjnych ci turystyčnych metaŭ — naprykład, adkryć kramu, hatel, miedycynski abo spartyŭny centr.
Udzieł u tarhach mahli brać jak prostyja hramadzianie Biełarusi i inšych krain, tak i jurydyčnyja asoby luboj formy ŭłasnaści.
Heta była druhaja sproba pradać Dom ramieśnika: papiaredni aŭkcyjon u listapadzie nie adbyŭsia praz adsutnaść patencyjnych kupcoŭ, choć tady startavaja cana była ŭdvaja vyšejšaja.
Budynak raźmieščany ŭ histaryčnym centry Pastaŭ, na miescy byłoha rynku. Choć značnaja častka staroha architekturnaha ansambla była źniščanaja ŭ siaredzinie XX stahodździa, niekalki budynkaŭ zachavalisia i ŭniesienyja ŭ Dziaržaŭny śpis histaryčna-kulturnych kaštoŭnaściaŭ Biełarusi.
Hety niezvyčajny adnapaviarchovik u rajcentry pabudavaŭ znakamity italjanski architektar. Budynak možna kupić
Z kałonami, lapninaj i scenaj. U Minsku pradajuć były Pałac kultury
U Mastoŭskim rajonie šmatdzietnaja maci nabyła pad žyllo zakinuty dziciačy łahier
Dziciačy łahier pad Minskam kupili za miljon dalaraŭ, ale ŭžo praz paru miesiacaŭ viarnuli nazad
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom16
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary