Z kałonami, lapninaj i scenaj. U Minsku pradajuć były Pałac kultury
U Minsku ŭ byłym zakrytym pasiołku ministerstva dziaržaŭnaj biaśpieki na aŭkcyjon vystavili były Dom kultury. Znachodzicca jon na vulicy Manieviča. Budynak pabudavany ŭ 1952 hodzie i zachavaŭ rysy minułaj epochi: kałony, franton, lapninu i vysokija stoli. Abjavu zaŭvažyŭ Onliner.
Ahulnaja płošča abjekta — 1187 kv. m. Budynak z dvuch pavierchaŭ cahlany, z žalezabietonnym padmurkam i draŭlanymi pierakryćciami. Razam ź im pieramožca tarhoŭ atrymlivaje i ŭčastak — 12 sotak, ale nie va ŭłasnaść, a ŭ arendu da 2043 hoda.
Płaniroŭka całkam «kłubnaja»: prastornaje faje, niekalki kabinietaŭ, kancertnaja zała sa scenaj, asobny pakoj kinamiechanika.
Jość abiedziennaja zała, kuchnia i składskija pamiaškańni — farmat dazvalaje pravodzić bankiety, mierapryjemstvy abo całkam pierarabić prastoru ŭ niešta novaje.
Unutry abjekta častkova zachavana azdableńnie. Ścieny pafarbavanyja, padłohavaje pakryćcio abnoŭlena, miescami jašče zastałasia lapnina i mołdynhi. Pry hetym častka pamiaškańniaŭ vidavočna patrabuje ramontu.
Pačatkovaja cana pałaca — 1 630 200 rubloŭ.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary