Прэзідэнт Расіі выступіў сёння на калегіі Мінабароны РФ.
Пуцін зрабіў некалькі заяў. Ён, у прыватнасці, сказаў, што мэты так званай «СВА» — гэта значыць, нападу на Украіну, безумоўна, будуць дасягнутыя, а Расія даможацца, як ён гэта называе, «вызвалення» сваіх гістарычных тэрыторый.
Разам з тым ён сказаў, што Расія заўсёды і да канца імкнулася знайсці дыпламатычныя шляхі вырашэння канфліктаў, але расійскія войскі «ўпэўнена прасоўваюцца наперад і ламaюць супраціў праціўніка», і сёлета «вызваленыя 300 населеных пунктаў».
Таксама Пуцін заявіў, што «Арэшнік» паставяць на баявое дзяжурства да канца года».
Прэзідэнт Расіі зрабіў рэверанс у бок лідара КНДР.
«Дзякуючы Кім Чэн Ыну плячо ў плячо з нашымі салдатамі супраць ворага на Курскім кірунку змагаліся паўночнакарэйскія воіны. КНДР брала ўдзел у складанай працы па размінаванні тэрыторыі», — сказаў ён.
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён13
Каментары
Там, дарэчы бачна й чый Кіеў, і чый Крым, калі каго так моцна цікавіць гэтае пытанне.