У сераду ўдзень у Кедайняйскім раёне адбылася чыгуначная аварыя. Паводле папярэдніх даных, з рэек сышлі тры вагоны грузавога цягніка. Кампанія LTG заявіла, што вядзе расследаванне інцыдэнту, які, верагодна, быў выкліканы тэхнічнымі прычынамі, піша LRT.
Кампанія LTG («Літоўскія чыгункі») паведаміла ў прэс-рэлізе, што ў Датнуве адбылася чыгуначная аварыя, у выніку якой з рэек сышлі пустыя вагоны. Пацярпелых няма.
Група бяспекі LTG у тэрміновым парадку выехала на месца здарэння і будзе расследаваць прычыны. Версія аб сабатажы выключаецца, пакуль мяркуецца, што інцыдэнт адбыўся праз тэхнічныя прычыны.
Рух цягнікоў па маршрутах Вільня — Шаўляй, Вільня — Клайпеда, Коўна — Шаўляй і Шаўляй — Коўна абмежаваны. Для пасажыраў, якія ехалі па гэтых напрамках, заказаныя аўтобусы; пасадка ў іх будзе ажыццяўляцца ў Кедайняй. Па ацэнках, у сувязі з гэтым будуць абмежаваны тры пасажырскія цягнікі.
Каментары