Расійскія войскі пачалі прымяняць так званыя спячыя дроны супраць украінскіх машын і салдат. Гаворка ідзе пра дроны-камікадзэ, якія гадзінамі чакаюць свайго прымянення на абочыне дарогі — фактычна ў засадзе.
Увесь гэты час аператар павінен сачыць за відэапатокам дрона. Калі да яго набліжаецца украінская машына, «спячы» дрон узлятае і атакуе праціўніка з мінімальнай адлегласці.
Тактыка засады стала магчымай дзякуючы ўсё больш частаму выкарыстанню Расіяй дронаў на аптычным валакне. Такія БПЛА абсталяваныя оптавалаконным кабелем даўжынёй да 30 кіламетраў, які злучае іх з аператарам.
У адрозненне ад FPV-дронаў, што кіруюцца па радыёсігнале, такія апараты можна выкарыстоўваць на вялікай адлегласці і вельмі блізка да зямлі, прычым уключаць імгненна.
Салдат Уладзімір з 4‑й брыгады Нацгвардыі «Рубеж» на поўнач ад Пакроўска распавядае журналісту Bild: «Расійскія спячыя дроны могуць чакаць сваю вайсковую цэль да шасці гадзін. Але калі ніхто не з’яўляецца і зарад батарэі сканчваецца, яны атакуюць і цывільных, каб дрон не дастаўся нам».
Каб абараніць лініі забеспячэння, Украіна будуе ўздоўж фронту ўсё больш «калідораў», накрытых сеткамі (гэтыя сеткі бачныя на відэакадрах з дронаў). Аднак оптавалаконныя БПЛА могуць наводзіцца з надзвычайнай дакладнасцю і выкарыстоўваць нават невялікія прамежкі ў сетках, каб праляцець у калідор і паразіць цэлі на дарозе, якая здаецца бяспечнай.
УСУ таксама выкарыстоўваюць «спячыя дроны», але значна радзей за расійскую армію. Расійская абаронная прамысловасць пры падтрымцы Кітая цяпер вырабляе больш за 1200 дронаў на аптычным валакне ў дзень. Украінская прамысловасць і прамысловасць яе заходніх саюзнікаў — нават не 100. І тыя ў асноўным «made in China», рэзюмуе ваенны аглядальнік BILD Юліян Ропке.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Спадзяюся гэтыя радкі прачытаюць бравыя натаўскія папулісты і еўрапейскія палітыкі, якія толькі на словах выказваюць заклапочанасць ды як папугаі паўтараюць фразу, што іх эканоміка ў разы болей за рф, але ж акрамя папулізму і пустых заяў, трэба рабіць рэальныя крокі, пастаўляць зброю, дроны і як мага болей, інакш расейскія дроны і танкі будуць у вас у ЕС.
это применяется с обеих сторон с год как..