Мужчына не хацеў, каб жонка пабачыла, што ён выпіваў.
На мінулым тыдні ў Ашмянскі РАУС з заявай звярнуўся 67‑гадовы мясцовы жыхар. Ён паведаміў пра тэхнічныя пашкоджанні свайго аўтамабіля. Раніцай агледзеўшы транспартны сродак, заўважыў, што нехта разбіў ветравую шыбу, паведамляе Гродзенская абласная міліцыя.
Высветлілася, што 70‑гадовы іншы мужчына ў сябе ў кватэры выпіваў, а потым вырашыў выкінуць пляшку ў акно. З чацвёртага паверха яна спікіравала не на ходнікі, а проста на ветравую шыбу Renault.
Шкоду ацанілі ў 400 рублёў.
З яго слоў, ён проста не хацеў, каб жонка ўбачыла бутэльку.
Заведзеная крымінальная справа паводле артыкулу «Хуліганства».
Каментары