Адзін з жыхароў Мінска апублікаваў у тыктоку відэа з кавярні Burger King ва Уруччы, дзе падчас наведвання ён пабачыў антысанітарыю. Падрабязнасці гісторыі апісвае агенцтва «Мінск-Навіны».
У аб'ектыў фотакамеры трапілі недакуркі, цыгарэты, брудная падлога і раскіданае смецце. «Гэта норма?» — задаецца пытаннем аўтар відэа і дадае, што ўстанова «стала памыйніцай».
У адказ адзін з каментатараў дадаў, што і ў іншым пункце сеткі грамадскага харчавання можна ўбачыць падобную карціну. Аднак большасць палічыла, што вінаватыя самі наведвальнікі.
Відэа вывучылі спецыялісты цэнтра гігіены і эпідэміялогіі Першамайскага раёна, пасля чаго праверылі кавярню:
«У чацвер, 13 лістапада, праведзеныя наглядныя мерапрыемствы ў дачыненні да рэстарана хуткага абслугоўвання «Бургер Кінг» на праспекце Незалежнасці, 179. Факт парушэнняў пацвердзіўся, у сувязі з чым вынесена прадпісанне аб прыпыненні вытворчасці і работ, паслуг вышэйпаказанага аб'екта да ліквідацыі парушэнняў», — расказалі спецыялісты.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары