Улады ЕС спрачаюцца, ці можна называць веганскія прадукты «сасіскамі» і «шніцалямі»
У Еўрапарламенце разгараецца спрэчка аб будучыні вегетарыянскіх і веганскіх прадуктаў. Заўтра дэпутаты ў Страсбургу прагаласуюць за папраўку, якая можа забараніць выкарыстанне для раслінных заменнікаў звыклых назваў накшталт «сасіска», «шніцаль», «стэйк» або «бургер».
Кансерватыўная Еўрапейская народная партыя прапануе абавязаць вытворцаў перайменаваць такія тавары, напрыклад, у «прадукт на аснове гароху» або «агароднінную катлету», піша Bild.
Супраць ініцыятывы выступілі найбуйнейшыя кампаніі галіны, уключаючы Aldi, Lidl і Burger King. У адкрытым лісце яны папярэдзілі, што падобная забарона нанясе сур’ёзны ўдар па нямецкім і еўрапейскім рынку раслінных прадуктаў.
«Пакупнікі выдатна разумеюць розніцу паміж расліннымі і мяснымі прадуктамі», — гаворыцца ў лісце.
Па ацэнцы Good Food Institute Europe, сектар расліннай ежы можа прыносіць Германіі да 65 мільярдаў еўра і забяспечыць 250 тысяч працоўных месцаў.
Партыйная лінія падзяліла дэпутатаў: «Зялёныя» называюць ініцыятыву «сабатажам перспектыўнай галіны», тады як прыхільнікі ЕНП на чале з дэпутатам ад ХДС Норбертам Лінсам патрабуюць «яснай мяжы паміж расліннымі і жывёльнымі прадуктамі». Паводле іх слоў, гэта неабходна «для абароны спажыўцоў і фермераў».
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й2
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары