Прэм'ер Літвы: Мы павінны быць гатовыя да новых пагроз з Беларусі
Інга Ругінене кажа, што Літва ўжо ведае, як кантраляваць пагрозу, якую нясуць кантрабандныя паветраныя шары, аднак падкрэслівае, што краіна павінна быць падрыхтаваная да новых выклікаў, паведамляе LRT.
«У абарончай сферы мы павінны так хутка рэагаваць і быць рухомымі, каб ісці на роўні з тэхналогіямі. Сёння мы падрыхтаваліся да аднаго, заўтра іншая пагроза», — у пятніцу на прэс-канферэнцыі ў Таліне сказала прэм’ер-міністр Літвы.
«Сёння можам сказаць, што паветраныя шары кантраляваныя, мы ўжо ведаем, што гэта такое і як гэта працуе», — дадала яна.
Па словах Інгі Ругінене, пагрозы пастаянна змяняюцца, таму для таго, каб адбіць новыя выклікі, даводзіцца змяняць прыярытэты.
«Калі некалькі гадоў таму мы гаварылі пра адны рэчы, то сёння, без сумневу, пагроза зыходзіць з паветра, мы гэта выдатна разумеем», — сказала прэм’ер. «Прыярытэт павінен быць паветранай абароне, пачынаючы ад дэтэкцыі і іншых сістэм. (…) Сёння ўсе абарончыя рашэнні сканцэнтраваныя менавіта на гэтым», — заявіла яна.
Паводле Ругінене, усе тры балтыйскія краіны прыстасоўваюцца да пагроз, што ўзнікаюць.
«Сёння ёсць гэта, заўтра, калі сітуацыя зменіцца, мы — усе тры балтыйскія краіны — гатовыя зноў перакласці прыярытэты і рэагаваць на рэаліі сённяшняга дня», — сказала кіраўнік урада.
Так яна казала ў пятніцу падчас візіту ў сталіцу Эстоніі, дзе сустрэлася з эстонскім прэм’ерам Крыстэнам Міхалам.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары