Premjer Litvy: My pavinny być hatovyja da novych pahroz ź Biełarusi
Inha Ruhinienie kaža, što Litva ŭžo viedaje, jak kantralavać pahrozu, jakuju niasuć kantrabandnyja pavietranyja šary, adnak padkreślivaje, što kraina pavinna być padrychtavanaja da novych vyklikaŭ, paviedamlaje LRT.
«U abarončaj śfiery my pavinny tak chutka reahavać i być ruchomymi, kab iści na roŭni z technałohijami. Siońnia my padrychtavalisia da adnaho, zaŭtra inšaja pahroza», — u piatnicu na pres-kanfierencyi ŭ Talinie skazała premjer-ministr Litvy.
«Siońnia možam skazać, što pavietranyja šary kantralavanyja, my ŭžo viedajem, što heta takoje i jak heta pracuje», — dadała jana.
Pa słovach Inhi Ruhinienie, pahrozy pastajanna źmianiajucca, tamu dla taho, kab adbić novyja vykliki, davodzicca źmianiać pryjarytety.
«Kali niekalki hadoŭ tamu my havaryli pra adny rečy, to siońnia, biez sumnievu, pahroza zychodzić z pavietra, my heta vydatna razumiejem», — skazała premjer. «Pryjarytet pavinien być pavietranaj abaronie, pačynajučy ad detekcyi i inšych sistem. (…) Siońnia ŭsie abarončyja rašeńni skancentravanyja mienavita na hetym», — zajaviła jana.
Pavodle Ruhinienie, usie try bałtyjskija krainy prystasoŭvajucca da pahroz, što ŭźnikajuć.
«Siońnia jość heta, zaŭtra, kali situacyja źmienicca, my — usie try bałtyjskija krainy — hatovyja znoŭ pierakłaści pryjarytety i reahavać na realii siońniašniaha dnia», — skazała kiraŭnik urada.
Tak jana kazała ŭ piatnicu padčas vizitu ŭ stalicu Estonii, dzie sustrełasia z estonskim premjeram Krystenam Michałam.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary