Махляры напалохалі 11‑гадовага школьніка, і ён вынес з дома ўсе грошы
Школьнік у інтэрнэце пазнаёміўся нібыта з аднагодкам.
Новы знаёмы папрасіў прыслаць геалакацыю нібыта для сустрэчы. Як толькі дзіця адправіла паведамленне, з ім звязаўся невядомы і паведаміў — ён перадаў свае даныя махлярам і яго сям’я ў небяспецы, паведамляе «Міліцыя Мінска».
Далей хлопчыку прыйшло паведамленне нібыта ад следчага, які запалохаў дзіця крымінальнай адказнасцю і пагражаў арыштам бацькоў. Каб сям’я не пацярпела, хлопчык пакінуў пад аркай жылога дома больш за 19000 рублёў, якія ўзяў у кватэры.
Сышчыкі ўстанавілі, што грошы забрала 64‑гадовая пенсіянерка і перадала пасрэдніку. Жанчына стала ахвярай падману: паверыла лжасупрацоўніку дамафоннай службы, прадыктавала асабістыя даныя, а потым пагадзілася ўдзельнічаць у спецаперацыі.
Каментары
Во краiна (прабачте, Страна) у нас! Кожны другi, а з пенсiОнерау кожны першы, згодны супрацоунiчать са спецорганамi, ўдзельнічаць у спецаперацыях i выконваць спецзаданнi. I усё дарам, без аплаты, без награды, толькi за iдэю.