«Люблю сваю працу» — напісаў у сацсетках беларускі міліцыянер у балаклаве. Яму адказалі жорстка
Пасля рэзанансу ён перавёў свой профіль у інстаграме ў закрыты рэжым.
«Люблю сваю працу, люблю радзіму і сваю краіну!!! Хачу, каб Вашы і мае дзеці раслі ў дабрабыце і бяспецы. І мы зробім для гэтага ўсё. Мая праца гэта не зусім праца — гэта служба, і нават больш, гэта жыццёвае крэда! І часам, лежачы ў поўнай цемры перад сном, можна задаць сабе пытанне: «А ты ўвогуле нармальны хлопец? Ці так сабе?»»
Допіс з такім зместам размясціў у Threads карыстальнік пад нікам zhenjke і суправадзіў яго двума сваімі здымкамі. Мужчына трымае ў руках дубінку, а яго твар напалову схаваны.
Мяркуючы па ўсім, супрацоўніка міліцыі завуць Яўген Панфіленка.
Найбольш людзей зацікавіла, чаму ён схаваў свой твар. Такое паведамленне сабрала ў два з паловай разы больш лайкаў, чым арыгінальны допіс.
Праўда, замест слова «твар» беларусы выкарыстоўвалі не вельмі прыемныя сінонімы:
«А чаго тады морду хаваеш?», «А чаму пысу сваю брудную хаваеш?», «А морду твару хавае ад народнай любові?»
Значная група каментатараў звярнула ўвагу на дубінку і ролю сілавікоў у змаганні з уласным народам.
«Цікава, колькі дубінкай невінаватых беларусаў ужо збіў?», —
цікавіцца адзін з карыстальнікаў. Другі дадае:
«Ні на што іншае не здольны. Толькі людзей дубінкай калашмаціць. Усім працам праца».
«Як сказаць, што ты садыст, не кажучы гэтага», — заўважае трэці.
У сваім гневе людзі не саромеюцца ў выразах.
«Аматар п****іць і пакаваць грамадзян сваёй краіны», — напісаў нехта. Яшчэ адзін дадаў: «Ты сабака сістэмы, якая прыгнятае тваіх землякоў».
Людзі цікавяцца:
«Колькі збіў невінаватых? А прысягу даваў народу ці прэзідэнту?», «Тваё жыццёвае крэда — забіваць людзей?»
Хтосьці заўважае, што за той заробак, што атрымліваюць у міліцыі, нельга не любіць працу. Пры гэтым пажарнікі, па словах аднаго з карыстальнікаў, маюць «жалю вартыя паўтары тысячы».
Людзі заўважаюць, што мужчына «любоў да радзімы пераблытаў з любоўю да Лукашэначкі» і «абараняе інтарэсы ўладароў, а не людзей», нагадваючы, што ён «чалавек сістэмы».
«Менцяра, не любяць вас аднак», — робіць падсумаванне нехта.
А іншы папярэджвае:
«Калі Беларусь стане свабоднай, цябе радзіма ой як не забудзе. Проста не забывай пра гэта». І гэта другі па папулярнасці каментар.
Праўда, сярод каментарыяў ёсць і тыя, хто выступае ў падтрымку аўтара. Так, нехта з'едліва заўважае:
«Красава. Гасі змагарышаў».
Знайшліся і тыя, хто палічыў, што нічога дрэннага ў тым, што чалавек любіць сваю працу, няма. Галоўнае, каб закон быў для ўсіх аднолькавы.
«Нічога не бачу дрэннага ў тым, што чалавек любіць сваю працу. Асабліва, калі ён ідэйны. Шмат каго бамбіць з-за таго, што часам людзі ў форме кіруюцца прынцыпам «часам не да закона», як сказаў адзін чалавек. Я з гэтым тэзісам нязгодны. Закон для ўсіх адзіны, асабліва для супрацоўнікаў. Калі вы не з іх ліку, то служыце, развівайцеся кар'ерна і толькі поспехаў вам».
Іншы выказвае меркаванне, што «100% каментатараў пабягуць у міліцыю ў тым выпадку, калі ім спатрэбіцца» і жадае «Добрай службы».
Прысутнічаюць і проста словы падтрымкі: «Вы малайчына!», «Дзякуй за вашу працу», «Малайчына, брат. Шчасця і поспехаў табе і тваёй сям'і».
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары