Еўрасаюз раніцай 23 кастрычніка канчаткова зацвердзіў 19‑ы пакет санкцый супраць Расіі.
«Рады паведаміць, што Рада зацвердзіла 19‑ты пакет санкцый», — адзначылі ў каментары «Еўрапейскай праўдзе».
Пашыраецца экспартная забарона на прамысловыя тавары, як соль, каўчук, будаўнічыя матэрыялы, тэхналагічныя тавары.
Пашыраюцца крытэрыі ўнясення ў санкцыйныя спісы партоў у трэціх краінах, якія ўдзельнічаюць у перавозцы БПЛА і ракет у Расію ці абыходзе нафтавых санкцый.
Уводзіцца новы механізм абмежавання перамяшчэння расійскіх дыпламатаў у ЕС з 3‑месячным пераходным перыядам.
Вызначаюцца новыя крытэрыі ўключэння ў санкцыйныя спісы ў сувязі з удзелам у выкраданні акупацыйнай уладай РФ украінскіх дзяцей.
Пашыраецца забарона на прадастаўленне паслуг у сферы ШІ, складаных камп’ютарных тэхналогій, камерцыйных касмічных паслуг. Наданне РФ любых паслуг, якія яшчэ не забаронены санкцыямі, патрабуе папярэдняга ўзгаднення.
Дадаткова, еўрапейскім аператарам будзе забаронена прадастаўляць паслугі, звязаныя з турызмам у Расіі.
Цяпер чытаюць
Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду8
Каментары