У сталіцы Інданезіі афіцыйна забароняць продаж і ўжыванне сабачага і кашэчага мяса
Улады Джакарты, сталіцы Інданезіі, рыхтуюць афіцыйную забарону на продаж і спажыванне мяса сабак і катоў. Пра гэта паведаміў губернатар горада падчас сустрэчы з прадстаўнікамі арганізацыі «Інданезія без сабачага мяса».
Чыноўнік выказаў надзею, што ініцыятыву падтрымаюць заканадаўчыя органы Джакарты і што яна стане прыкладам для іншых рэгіёнаў краіны. Паводле яго слоў, пастанова павінна быць падрыхтаваная цягам месяца і будзе часткай мер па прафілактыцы распаўсюджвання шаленства ў сталічным рэгіёне.
Паводле даных арганізацыі «Інданезія без сабачага мяса», з 2013 года ў Джакарту штогод паступае каля 9 тысяч сабак на мяса, галоўным чынам з правінцый Заходняя Ява і Балі.
Арганізацыя вядзе кампанію супраць ужывання сабачага і кашэчага мяса з 2017 года. Менавіта дзякуючы яе намаганням першая такая забарона была ўведзена на востраве Балі, а пазней да ініцыятывы далучыліся і іншыя інданезійскія гарады.
«Чытала, што вашы хлопцы — супермены». Беларус паляцеў у Інданезію і там пазнаёміўся з жонкай
Глабальны зрух у каталіцтве: у Індыі больш семінарый, чым у Італіі, а ксяндзы на падмену прыязджаюць у Еўропу з Афрыкі
Кот прэзідэнта Інданезіі ўзяты пад дзяржаўную ахову
Прэзідэнт Інданезіі прылятаў да Лукашэнкі, каб пагаварыць пра ўгнаенні
Каментары
А тое там увесь час кампаніі аб тым. каб дзяўчаты плечы пакрывалі і платкі насілі.