«Прыгадала татавы словы: трэба пальцамі калоць у вочы». Жанчына расказала, як выжыла падчас нападу маньяка-ліфцёра
У 1999 годзе маньяк напаў на 16‑гадовую школьніцу ў Віцебску. Выратавала дзяўчынку выпадковасць, а забойца пасля гэтага схаваўся на шмат гадоў, расказалі ў сюжэце АНТ.
Святлане тады было 16 гадоў. Напад здарыўся 26 красавіка 1999 года. Жанчына вельмі добра запомніла ўсе дэталі таго страшнага дня. Святлана прыбегла са школы, перакусіла дома бутэрбродам, а потым пабегла на вуліцу да сяброўкі. Але там яе не аказалася.
«Выйшла з пад'езда, паглядзела, нікога нібыта няма. Сяброўкі няма. І я пайшла назад дадому. Як толькі я зайшла ў ліфт, побач з дзвярыма з'явілася мужчынская нага. Ён зайшоў у ліфт. Пачаў расшпільваць шырынку, я адразу ўсё зразумела без слоў. Ён націснуў на стоп і пачаў вельмі моцна біць. Біў спіной аб ліфт, галавой аб ліфт. Удараў было вельмі шмат», — успамінае Святлана.
Калі дзверы ліфта адчыніліся, нападнік працягнуў школьніцу за шыю на паверх ніжэй. І працягнуў яе збіваць.
«Калі ён сядзеў на жываце, каленам біла яму ў спіну. Ён прыпаднімаўся, усёй вагой зноў скакаў назад. Пакуль я не ўспомніла татавы словы: калі нешта здараецца, трэба пальцамі ў вочы. Я так і зрабіла. Але не дацягвалася. Дацягнулася чамусьці да рота. Пачала рваць яму рот. Ён са злосці ўкусіў мяне. І стаў вельмі моцна душыць. Настолькі, што ў мяне ні рукі, ні ногі не падымаліся. Яго я ўжо не бачыла, толькі белая пляма. Колькі я так праляжала, не ведаю. Я ўжо нічога не памятаю», — расказала Святлана.
Выратавала школьніцу выпадковасць. Менавіта ў гэты момант з кватэры выйшаў сусед. Ён вырашыў выгуляць сабаку.
«У яго быў сабака, аўчарка. Ён адразу пайшоў наверх. І Віталік (сусед. — Прым. НН) убачыў мае красоўкі. Нападнік ускочыў і хутка збег. Віталь пабег за ім. Суседзі паказалі ў розныя бакі. І ён яго не дагнаў», — адзначыла Святлана.
Гэты выпадак, па версіі следства, напалохаў маньяка настолькі, што ён спыніў напады і забойствы. Знайшлі яго толькі праз 30 гадоў.
Справа ліфцёра. Сталі вядомыя новыя падрабязнасці справы маньяка з Магілёва
«Бацька Юрыя Дзям'янава не верыць у датычнасць сына». З'явіліся новыя падрабязнасці справы маньяка-ліфцёра
Што пагражае магілёўскаму маньяку-ліфцёру? Юрыдычны казус, але максімум за восем трупаў — 15 гадоў калоніі
Выпадковы сведка заспеў маньяка-ліфцёра каля ахвяры. І папрасіў яго пабыць побач з забітай дзяўчынай, пакуль не прыедзе міліцыя
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў
Як так выйшла, што магілёўскі маньяк-ліфцёр, які забіў восем дзяўчат, спыніўся пасля 1999 года?
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода19
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары
[Зрэдагавана]