Закрылі апошнюю рэгіянальную беларускамоўную радыёперадачу
У Баранавічах на мясцовым радыё перастала выходзіць адзіная на ўсю рэспубліку рэгіянальная беларускамоўная радыёперадача «Люблю наш край».
У Баранавічах на мясцовым радыё перастала выходзіць адзіная на ўсю рэспубліку рэгіянальная беларускамоўная радыёперадача «Люблю наш край».
Па вяртанні з летніх вакацый яе стваральнікі і вядучыя даведаліся, што цяпер за выхад перадачы ў эфір трэба плаціць. Прычым не толькі за тыя 30 хвілін, якія патрэбныя на эфір, але і за час, які траціцца на запіс. У месяц гэта выходзіць больш за 130 тысяч рублёў.
Перадача «Люблю наш край», якую стварала Баранавіцкая філія Таварыства беларускай мовы, выходзіла ў эфір на працягу 10 гадоў. Там гучала беларуская мова, гасцямі былі літаратары, мастакі, знакамітасці з беларускай сталіцы. Вялі перадачу Алесь Горбач, Наталля Урублеўская, Людміла Малашчанка. Здавалася б, каму заміналі беларускія песні, беларускае слова? Тым не менш, «Белтэлекам» прыняў рашэнне, паводле якога за выхад у эфір трэба плаціць. Хаця ў тым, пра што распавядалі рэдактары і вядучыя, не было ні кропелькі рэкламы.
«Гэта гвалт над нашай мовай і нашай спадчынай, – гаворыць старшыня Баранавіцкай філіі ТБМ Віктар Сырыца. – Людзі пасля выхаду перадачы ў эфір тэлефанавалі нам і дзякавалі. Шмат хто са слухачоў прапаноўваў свае сюжэты і тэмы. І вось перадачу па-сутнасці закрылі. Менавіта таму, што беларуская мова і беларуская культура зараз зусім не ў пашане не толькі на ўзроўні кіраўніцтва краіны, але і ў мясцовых вертыкальшчыкаў».
Алесь Літоўчык, Еўрапейскае радыё для Беларусі, Баранавічы
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты18
Каментары