Красуліна: Тэрміны сустрэчы з дыяспарай у Нью-Ёрку сапраўды пераносіліся, але па ініцыятыве Сяргея Ціханоўскага
Прэс-сакратарка Святланы Ціханоўскай Ганна Красуліна ў каментары «Белсату» патлумачыла, чаму на сустрэчы Сяргея і Святланы Ціханоўскай з беларускай дыяспарай у Нью-Ёрку ўзнік часавы цэйтнот, які ў выніку выліўся ў канфліктную сітуацыю.
Як сцвярджаў Сяргей Ціханоўскі, сустрэча пераносілася тры разы з ініцыятывы Офіса, што стварыла пэўнае напружанне. Але, як тлумачыць прэс-сакратарка Святланы Ціханоўскай, хоць пераносы сапраўды былі, яны рабіліся не па віне і не з ініцыятывы Офіса.
Ганна Красуліна расказала, што сустрэча з дыяспарай была прызначаная спачатку на 18:00, але Сяргей патрабаваў перанесці яе на 20:00. Каманда Офіса на гэта пагадзілася і змяніла праграму, перанесла некалькі сустрэч і інтэрв’ю.
Пасля гэтага, паводле слоў Красулінай, памочнікі Сяргея высветлілі, што ў 20:00 не ўдасца арганізаваць сустрэчу і вярнулі час назад, на 18:00. Офіс ізноў змяніў планы, перанёс сустрэчы і інтэрв’ю.
Але інтэрв'ю CNN перанесці не ўдалося:
«CNN — адзін з вядучых сусветных каналаў, які ласкава прапанаваў нам жывы эфір у прайм-тайм. Гэта ўсяго дзесяць хвілін. Каманда планавала адлучыцца на гэты час, не больш за трыццаць хвілін увогуле, і вярнуцца на сустрэчу з беларусамі, што цягнулася паўтары гадзіны», — сцвярджае Красуліна.
Аднак, як вядома, з-за пратэсту Ціханоўскага гэтае інтэрв'ю ўрэшце давялося ўвогуле тэрмінова адмяніць.
«Неразуменне таго, што не ён, а Святлана цяпер цэнтральная фігура. На шкоду грамадскім інтарэсам»
«У нас інтэрв'ю CNN не пад жэншчыну». Як беларусы каментуюць у сацсетках канфлікт Ціханоўскіх
Ціханоўскі патлумачыў, чаму ён так паводзіў сябе ў Нью-Ёрку
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?33
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары
Аднак, як вядома, з-за пратэсту Ціханоўскага гэта інтэрв'ю ўрэшце давялося ўвогуле тэрмінова адмяніць.". Афігець. а вось якому расейскаму "Дажджу" Ціханоўскі знайшоў бы час. Проста выключны палітычны непрафесіяналізм Ціханоўскага.